الرئيسيةالتسجيلدخول

شاطر | 
 

 بحبك يا مصر

اذهب الى الأسفل 
كاتب الموضوعرسالة
على الالفى
عضو جديد
عضو جديد


منين فى مصر : المنصوره
عدد المساهمات : 3
العمل/الترفيه : الرسم
تاريخ التسجيل : 26/01/2011

مُساهمةموضوع: بحبك يا مصر   الخميس يناير 27, 2011 7:08 am


بحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .



بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .



وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .



فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .



ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .



فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..بحبك يا بلدى
الرجوع الى أعلى الصفحة اذهب الى الأسفل
شيكا
مشرف قسم الاغانى الريمكس
مشرف قسم الاغانى الريمكس
avatar

ذكر
منين فى مصر : مصراوى
عدد المساهمات : 55
العمل/الترفيه : طالب
تاريخ التسجيل : 25/01/2011
الموقع : chiaka2dai.yoo7.com

مُساهمةموضوع: رد: بحبك يا مصر   الخميس يناير 27, 2011 3:14 pm

وربنا كلنا بنحبه
الرجوع الى أعلى الصفحة اذهب الى الأسفل
CHIAKA
صاحب الليله
صاحب الليله
avatar

ذكر
منين فى مصر : الحسينيه شرقيه
العقرب عدد المساهمات : 178
العمل/الترفيه : ادراه مجله شياكه
تاريخ التسجيل : 18/01/2010
العمر : 27
الموقع : chiaka2dai.yoo7.com

مُساهمةموضوع: رد: بحبك يا مصر   الخميس فبراير 03, 2011 4:03 pm

مش كدا يا درش وربنا انا كمان بحبه
الرجوع الى أعلى الصفحة اذهب الى الأسفل
http://chiaka2dai.yoo7.com
CANARIA
عضو جديد
عضو جديد
avatar

ذكر
منين فى مصر : المنيا
السمك عدد المساهمات : 23
العمل/الترفيه : صياد
تاريخ التسجيل : 20/02/2011
العمر : 28
الموقع : بحب شياكه

مُساهمةموضوع: رد: بحبك يا مصر   الأحد فبراير 27, 2011 12:38 pm

بحبك يا مصر
الرجوع الى أعلى الصفحة اذهب الى الأسفل
 
بحبك يا مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتـديات العـامه :: قسم الحوار العام-
انتقل الى: